હનીમૂનમાં થયુ એવુ કે પત્નીએ કહ્યું, “લગ્ન કરીને મેં ભૂલ કરી”

હનીમૂન એ નવદંપતી માટે સૌથી સુંદર ક્ષણો પૈકીની એક છે, જે માટે કેટલાય મહિનાઓથી તેઓ તૈયારી કરતા હોય છે. હવે જરા વિચારો, આ સુવર્ણ કાળની વચ્ચે જો તમને ઓફિસમાંથી કોઈ અરજન્ટ કામ માટે બોલાવવામાં આવે તો તમને કેવું લાગશે. ચોક્કસ તમે ખૂબ દુઃખી થશો અને તમારો પાર્ટનર પણ નિરાશ થશે. બિલકુલ આવું જ એક નવવિવાહિત કપલ ​​સાથે થયું, જે લગ્ન પછી હનીમૂન માટે કંબોડિયા ગયા હતા.

અમેરિકામાં રહેતુ એક નવદંપતિ જાન્યુઆરીમાં પોતાનું હનીમૂન મનાવવા કંબોડિયા ગયા હતા. એટલામાં ઓફિસમાંથી પતિના બોસનો ફોન આવ્યો અને તેમણે કોઈ અરજન્ટ કામ માટે એક દિવસ ઓફિસે પાછા આવવા કહ્યું. આ સાંભળીને પતિ ગુસ્સે થઈ ગયો, કારણ કે તે પોતાના હનીમૂન વેકેશન માટે કંબોડિયા હતો. અને વેકેશન માટે અગાઉ બોસે તેની રજાઓ મંજૂર કરી હતી. એવામાં બોસના ફોન પર કર્મચારીએ ઓફિસ આવવાની ના પાડી, તો બોસે તેને બેજવાબદાર કર્મચારી ગણાવીને ઓફિસમાંથી કાઢી મુકવાની ધમકી આપી હતી.

વ્યક્તિએ લખ્યું હતુ કે, મારા બોસે હનીમૂનના ત્રીજા દિવસે ક્લાયન્ટની પિચ મીટિંગમાં હાજરી આપવા માટે કહ્યુ હતુ અને આ ડીલ ખૂબ જ મહત્વપૂર્ણ હતી અને તેને માત્ર એક દિવસ માટે મારી જરૂર હતી. તેના જવાબમાં મેં કહ્યું કે હું હનીમૂન પીરિયડ પર છે અને હું કોઈ શરતે ત્યાં આવીને હાજરી આપી શકું તેમ નથી. જેના પર બોસે કહ્યું કે આ માત્ર એક દિવસની વાત છે અને જો તે આ મહત્વપૂર્ણ મીટિંગ માટે કંપની તારા પર નિર્ભર ન રહી શકે, જો તુ નહીં આવે તો અમારી ટીમ તારા વગર આગળ વધી જશે.

આ સમગ્ર મામલે પતિએ પત્ની સાથે વાત કરી અને બે કઠિન નિર્ણયો વચ્ચે અટવાઈ ગયો. તેને ડર છે કે કાં તો બોસ તેને કાઢી મૂકશે અથવા તેણે હનીમૂનનું ફરી આયોજન કરવું પડશે. બીજી તરફ પત્નીનું કહેવું છે કે આજે તેને આવી વ્યક્તિ સાથે લગ્ન કરીને પસ્તાવો થઈ રહ્યો છે. પતિએ લખ્યું કે પત્ની અને પૈસા વચ્ચે પસંદગી કરવી તેના માટે ખૂબ જ મુશ્કેલ બની ગયું હતુ.